全民造星V丨Hayson做體育老師望影響下一代 遭淘汰仍然無悔：呢度唔係就咁完

ViuTV大型偶像育成節目《全民造星V》中，17號的郭澧羲（Hayson）一關過一關，雖然每關都站在邊緣位置，不過在幸運之神眷顧下，把他由復活區拉上來；只可惜最終仍難逃被foul的結局。不過Hayson認為這裡不是完結的地方，他會繼續做音樂，也會全情投入教籃球的工作。

同場加映：隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞

{{hket:ul-video id="8534"}}{{/hket:ul-video}}

{{hket:inline-image name="0-5.JPG"}}{{/hket:inline-image}}

{{hket:inline-image name="9.jpg"}}{{/hket:inline-image}}

Hayson早前接受《晴報》專訪，對於最初跌入復活區，在宣布60強時，原本已面臨淘汰，但最後因霹靂舞港隊成員、71號C Plus（施嘉鑫）要兼顧奧運賽事，Hayson才有機會補上60強之列，他眼濕濕說：「冇諗咁多嘢，我好記得當時見到想佢被人救嘅兄弟，救晒，但自己就企咗喺度，嗰吓我冇乜遺憾，因為我一開始都冇諗過入到圍，所以望到嗰班兄弟，宣布最後一個入圍嘅時候，我係向天呼咗一口氣，我已經無悔、滿足，呢度唔係就咁完，我會繼續做音樂，繼續寫歌，反而回復平靜，跟住C Plus退賽，陳蕾老師叫我個名，嗰刻我好激動，因為由平靜狀態再推你上去，真係過山車，完全反應唔到，嗰刻我係諗『點解會係我？』。」只可惜在40強進入30強時，他最後亦難逃淘汰的命運。

全民造星V丨參賽者大賣悽慘背景多過才藝 新監製風格大暴走網民唔buy【下一頁】

Hayson一直以來都希望成為一個有影響力的人，教育大學畢業的他，立志跟父母一樣做一位教師，希望任教體育科，於是他與大學同學開辦一間籃球學校。為了兼顧籃球學校和《造星V》，免得兩頭唔到岸，Hayson事前為籃球學校計劃了全年的流程表。現時他已離開節目，可以專心為暑期班做準備。

問到投資多少錢在籃球學校上？Hayson說：「我哋冇話投資幾多錢，只係幾個人搞一間公司，然後申請BR（商業登記），所以成本就係BR，跟住喺一啲學校入標，其實我呢半年都冇收入。做教練有個唔好嘅地方，如果入學校教，係每個學期出一次糧，即係一年出兩次糧，上年9月開學中標書，12月《造星V》海選，所以呢段時間，《造星V》之餘，一個禮拜有一、兩日，我入咗學校教波，啱啱完咗第一個學期，我先收到錢。」

全民造星V丨香香超班演出三燈晉級贏盡掌聲 「大律師」Aaron連何啟華都唔睇好【下一頁】

{{hket:inline-image name="10.jpg"}}{{/hket:inline-image}}

Hayson表示絕對有經濟壓力，但幸好得到家人的體諒，他說：「佢哋知道我唔係搵得好多，叫我take care自己就得。」重提他在《造星V》自我介紹時，指自己寧願捱窮都會選擇追夢，Hayson說：「我覺得有時要取捨，唔可以得一想二，籃球學校搵到嘅錢，其實大部分都攞嚟出糧，要出糧畀教練，一係用喺marketing，我諗全公司搵得最少錢就係我，但起碼係做緊我想做嘅事。」

撰文：黃曉妍

攝影：陳健珊

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】